Qadın voleybolçulardan ibarət Azərbaycan millisi Avropa Liqasında mübarizəni başa vurub.

Prosport.Az xəbər verir ki, Şimali Makedoniyanın ev sahibliyi ilə keçirilən III turun son qarşılaşmasında komandamız İsveçrə yığması ilə üz-üzə gəlib. 
Strumitsa şəhərində təşkil olunan görüşün qalibi rəqib komanda olub. 

Millimiz Avropa Liqasında ümumilikdə 6 oyun (Azərbaycan - İsveç 0:3, Azərbaycan - Estoniya 3:0, Azərbaycan - Şimali Makedoniya 3:0, Azərbaycan - İspaniya 1:3, Azərbaycan - İsrail 3:0, Azərbaycan - İsveçrə 0:3) keçirib. Komandamız yarışı 3 qələbə, 9 xalla başa vurub. 

Qeyd edək ki, reqlamentə əsasən yarışda iştirak edən 24 komandadan ilk dörd pilləni tutanlar dördlər finalına vəsiqə qazanırlar. Turnirin yarımfinal və final oyunları 27 iyun -12 iyul tarixlərində baş tutacaq.

#azerbaijan #azevolleyball #EuroLeagueW