Qadın və kişi voleybolçuların Yüksək Liqasında 3-cü yer və çempionluq uğrunda oyunların keçiriləcəyi tarixlər bəlli olub.

Prosport.Az xəbər verir ki, aprelin 18-də kişilərin Yüksək Liqasında üçüncü yer uğrunda “Neftçi” və “Murov Az Terminal”, finalda isə “Xilasedici” və “Ordu” komandaları üz-üzə gələcək.

Qadın voleybolçular mükafatlar üçün aprelin 19-da meydana çıxacaqlar. Xanımların mübarizəsində 3-cü yer uğrunda “Milli Aviasiya Akademiyası” ilə “Gəncə”, finalda isə “Turan” və “DH Volley” komandaları qarşılaşacaq.

Bürünc medal görüşləri saat 13:00-da, final qarşılaşmları isə 16:00-da start götürəcək.

Hər iki final oyunundan dərhal sonra qaliblərin mükafatlandırma mərasimi baş tutacaq.