Azərbaycanın beynəlxalq dərəcəli voleybol hakimi Eldar Zülfüqarov Avropa Voleybol Konfederasiyası tərəfindən təyinat alıb.

Prosport.Az xəbər verir ki, o, noyabrın 6-da Yunanıstanın paytaxtı Afinada keçiriləcək kişilər arasında Çempionlar Liqasının II təsnifat mərhələsinin matçını idarə edəcək.

E.Zülfüqarov “Melina Merkuri” arenada baş tutacaq “Olimpiakos” (Yunanıstan) - “Quaquas” (İspaniya) qarşılaşmasında baş hakim olacaq. Matçın 2-ci hakimi vəzifəsini polşalı Aqniejka Miçlik yerinə yetirəcək.