"İmişli" daha bir əcnəbi futbolçu transfer edib.

Prosport.Az-ın xəbərinə görə, Premyer Liqanın debütantı portuqaliyalı hücumçunu heyətinə qatıb.

Söhbət Dioqu Almeydadan gedir. 24 yaşlı futbolçu 2017/18 mövsümündə İtaliyanın "Empoli" klubunun 19 yaşadək komandasında (U-19) çıxış edib. O, peşəkar karyerasını isə ancaq Portuqaliyada futbol oynamaqla keçirib.

"Pasuş di Fereyra", "Benfika"nın B komandası, "Sportinq Kuvilya", "Mafra"da çıxış etmiş futbolçu ötən ilin iyunun 16-da "Akademiku" ilə 3 illik müqavilə bağlayıb. Lakin Dioqu Almeyda mövsümün sonunda müqaviləsini qarşılıqlı şəkildə pozub. O, 2019/20 mövsümündə millimizin hücumçusu Renat Dadaşovla birgə "Pasuş di Fereyra"da hücum tandemi təşkil edib.

O, 2019-cu ildə Portuqaliya U-20-sində 2 oyuna çıxıb. Həmin matçlar Polşa və İsveçrə ilə yoxlama oyunları olub.

Qeyd edək ki, futbolçu sabah axşam Bakıda olacaq və onunla müqavilə bağlanılacaq.