"Almaniya futbolu səviyyəsində onları III divizion (II Liqa) komandası kimi təsnif edərdim. 3 gün əvvəl "Nots Kaunti" 2-ci Bundesliqadakı rəqiblərimizdən olan "Darmştadt 98"ə 1:2 uduzmaqla heç də həvəskar komanda olmadıqlarını sübuta yetirib".

Prosport.Az xəbər verir ki, bunu Almaniyanın "Kayzaslautan" komandasının baş məşqçisi Torsten Libaknext deyib.

O, "Kayzaslautan"ın İngiltərənin "Nots Kaunti" komandasını yoxlama oyununda 4:0 məğlub etməsindən danışıb. Bu görüşün ilk hissəsində Almaniya klubunun futbolçusu Mahir Emreli diqqət mərkəzində olub. O, 10-cu dəqiqədə hesabı 3:0 edib.

41-ci dəqiqədə isə rəqibin irlandiyalı müdafiəçisi Bari Koter Mahir Emrelinin sağ dabanını tapdaladığından, futbolçular arasında münaqişə baş verib. Koter üzrxahlıq etsə də, baş hakim tərəfindən birbaşa qırmızı vərəqə ilə cəzalandırılıb.

"Kayzaslautan"ın baş məşqçisi Torsten Libaknext bu barədə də danışıb: "Qısa desəm, kobud və feyr-pleyə əməl etməyən hərəkət oldu. Lakin hakim daha sonra vərəqəsini göstərdi və hər şeydən əvvəl, rəqib bizdən dərhal üzr istədi. Bu, oyunun bir hissəsidir. Təki biz təpik vuran tərəf olmayaq".

"Nots Kaunti"nin baş məşqçisi Martin Paterson isə bu epizodda futbolçusunu müdafiə edib: “Bari rəqabətcil oyunçudur. O həm də məyusluğa qapıla bilən biridir. Mən də bunu hiss etdim ki, "Kayzaslautan" hakim qərarlarının kölgəsində qaldı. Amma bu, başqa bir bəhanədir. Həyatda işlər həmişə istədiyiniz kimi getmir, lakin biz buna qarşı düzgün şəkildə rəqabət aparmalı və çətin anlarda sakit olmalıyıq".