Premyer Liqada debüt edəcək "İmişli" millimizin də qapısını qorumuş Yusif İmanovu heyətinə qatmaq istəyir.

Prosport.Az-ın xəbərinə görə, "Neftçi"dən ayrıldıqdan sonra sərbəst futbolçuya çevrilmiş müdafiəçi Azər Salahlını heyətinə qatan "İmişli" indi də 22 yaşlı qapıçı ilə bağlı "Sabah"la danışıq aparır.

Futbolçunun 2026-cı ilin iyunun 30-dək "Sabah"la müqaviləsi var. Lakin litvalı baş məşqçi Valdas Dambrauskas onu komandasında görmək istəmədiyindən, Avstriya təlim-məşq toplanışına aparmayıb.

Qeyd edək ki, "İmişli" belaruslu qapıçı Andrey Sinenkonu heyətində saxlasa da, ilk "11-lik"də Yusif İmanova şans verməyi düşünür.