Qadın voleybolçulardan ibarət Azərbaycan millisi Qızıl Avropa Liqasında növbəti oyununu keçirib.

Prosport.Az xəbər verir ki, komanda Sloveniya seçməsi ilə üz-üzə gəlib.

Gənclər və İdman Nazirliyinin Voleybol Mərkəzində təşkil olunan qarşılaşmada yığmamız 0:3 hesabı ilə məğlub olub.

Xatırladaq ki, Faiq Qarayevin baş məşqçisi olduğu kollektiv ilk turun görüşlərini Bakıda keçirib. Milli daha əvvəl Macarıstana eyni hesabla uduzub.

Qeyd edək ki, millimiz növbəti turun oyunlarını 6-8 iyun tarixlərində Slovakiyada keçirəcək. Komandamızın rəqibləri ev sahibi ilə yanaşı Monteneqro millisi olacaq.