18 yaşadək (U-18) voleybolçular arasında Azərbaycan çempionatına yekun vurulub.

Prosport.Az xəbər verir ki, həm qızların, həm də oğlanların mübarizəsində 3-cü yer uğrunda və final oyunları keçirilib.

Qızlar arasında 3-cü yer uğrunda qarşılaşmada “Abşeron“ klubu “Lokomotiv“ komandasını 3:2 hesabı ilə məğlub edib.

Oğlanların mübarizəsində isə “Naxçıvan“ klubu “Oğuz RVK“ya 3:1 hesabı ilə qalib gələrək bürünc medal qazanıb.

Qızların finalında “Azərreyl-1” “Şərqi Zəngəzur RVK”nı, oğlanlarda isə “Xarıbülbül Şuşa” “Murov Az Terminal”ı 3:1 hesabları ilə məğlub edərək çempion olub.

Final qarşılaşmalarından sonra mükafatlandırma mərasimi başlayıb. Qaliblərə kubok və medallar təqdim olunub. Mükafatları AVF-nin prezidenti Şahin Bağırov, vitse-prezident Bəhruz Quliyev, baş katib Faiq Orucov və AVF-nin İdarə Heyətinin üzvü İlqar Nuriyev təqdim edib.

Qeyd edək ki, 2 gün əvvəl U-14-lərin yarışı başa çatmışdı. Orada oğlanlarda “Daşkəsən” qızıl, “Sumqayıt RVK” gümüş, “Naxçıvan” isə bürünc medal qazanıb. Qızlarda “Azərreyl-2”yə qızıl, “Tovuz RVK”ya gümüş və “Azərreyl-5”ə bürünc medallar təqdim edilib.