Azərbaycan millisinin voleybolçusu Polina Rəhimova komandasını dəyişib.

Prosport.Az xəbər verir ki, 35 yaşlı hücumçu yenidən Avropada çıxış edəcək.

Braziliya təmsilçisi “Osasko”dan ayrılan oyunçu karyerasını Yunanıstanda davam etdirmək qərarına gəlib. Millimizin üzvü “Panionis”lə 1 illik müqavilə imzalayıb.

Maraqlıdır ki, Yunanıstan Rəhimovanın karyerasında 9-cu ölkə olacaq. O daha əvvəl Azərbaycanla yanaşı, Cənubi Koreya, Yaponiya, Türkiyə, İtaliya, İndoneziya, Vyetnam və Braziliya klublarında çıxış edib.

Qeyd edək ki, Polina Rəhimovanın yenicə ayrıldığı “Osasko” bu mövsüm Braziliya çempionu olub.