Qadın voleybolçuların Yüksək Liqasında bürünc medal uğrunda oyunlara start verilib.

Prosport.Az xəbər verir ki, bu gün Gənclər və İdman Nazirliyinin (GİN) Voleybol Mərkəzində 3-cü yer uğrunda “Gəncə” və “Milli Aviasiya Akademiyası” komandaları ilk oyunlarına çıxıb.

4 set davam edən oyun “Milli Aviasiya Akademiyası”nın 3:1 hesablı qələbəsi ilə yekunlaşıb. Komandalar arasında növbəti qarşılaşma sabah keçiriləcək. Reqlamentə görə qalib 2 oyunun nəticəsinə əsasən müəyyən olunacaq. 2 qarşılaşmadan sonra tərəflər hərəyə 1 qələbə qazanarlarsa (xallar da bərabər olarsa), Qızıl set oynanılacaq.

3-cü yer uğrunda
İlk oyun 
19 aprel 
“Gəncə” – “Milli Aviasiya Akademiyası” 1:3 (18:25, 25:23, 18:25, 17:25)

Cavab oyunu
20 aprel 
15:00 “Milli Aviasiya Akademiyası” – “Gəncə”
GİN-nin Voleybol Mərkəzi