Qadın voleybolçular arasında Azərbaycan Yüksək Liqasında finalçılar müəyyənləşib.

Prosport.Az xəbər verir ki, "Azərreyl" və "Milli Aviasiya Akademiyası" kollektivlərinin görüşündə "dəmiryolçular" həlledici mərhələyə yüksəlib.

İlk yarımfinal oyununda 3:2 hesabı ilə qalib gələn "Azərreyl" cavab matçında eyni hesabla uduzub. Bu səbəbdən cütün taleyi "qızıl set"də həll olunub. Burada rəqibini (15:11) üstələyən Paolo Tofolinin rəhbərlik etdiyi kollektiv adını finala yazdırıb.

Həlledici mərhələyə digər vəsiqəni isə "Abşeron" kollektivi əldə edib. İlk yarımfinal qarşılaşmasında "Gəncə"yə 3:1 hesabı ilə qalib gələn paytaxt təmsilçisi cavab görüşündə rəqibə set belə verməyib – 3:0.

Qeyd edək ki, "Azərreyl" və "Abşeron" komandaları arasındakı final qarşılaşmaları aprelin 21-24-ü aralığında keçiriləcək.