Azərbaycan millisinin voleybolçuları Yelizaveta Ruban və Oksana Xarçenko Rumıniya çempionu titulunu qazanıb.

Prosport.Az xəbər verir ki, təmsilçilərimizin çıxış etdikləri "Alba" klubu final seriyasında "Voluntar"dan güclü olub.

Tərəflər arasında keçirilən 4-cü görüş 3:1 hesabı ilə "Alba"nın xeyrinə başa çatıb. Yekun nəticədə də 3:1 hesabı ilə qalib gələn voleybolçularımızın komandası mövsümü 1-ci pillədə başa vurub.

Qeyd edək ki, "Alba" bununla da "Voluntar"dan ötən mövsümün finalındakı məğlubiyyətin revanşını alıb.

Xatırladaq ki, daha əvvəl "Alba" Rumıniya Kubokunun da qalibi olmuşdu.