Qadın voleybolu üzrə Azərbaycan çempionatında qeyri-adi durum yaşanıb.

Prosport.Az-ın xəbərinə görə, Azərbaycan Dövlət İqtisad Universitetinin voleybol zalında keçirlən "Gəncə" – UNEC oyunu (3:0) saat 14:30-da başlamalı olsa da, heç bir elan verilmədən erkən start götürüb.

Voleybol federasiyasının baş katibi Faiq Orucov saytımıza bu məsələni belə izah edib: "Hava şəraiti ilə əlaqədar "Gəncə" klubunun geri qayıtmağa gecikmə ehtimalı olduğundan, hər 2 klubun razılığı ilə oyun 15 dəqiqə tez başlayıb".

Onu da qeyd edək ki, bu oyun Gəncə İdman Sarayında keçirilməli idi. Lakin "Gəncə" komandası oyunun Bakıda keçirilməsinə razılıq verib. Dəyişikliyin dəqiq səbəbi bilinməsə də, bunu Gəncə İdman Sarayında U-15 güləş birinciliyi (3-6 mart) keçirilməsi üçün xalçalar salınması ilə əlaqələndirmək olar.