“Çempionata uğurlu start vermişdik”.

Prosport.Az xəbər verir ki, bunu kişi voleybolçuların “Neftçi” klubunun baş məşqçisi Pərviz Səmədov deyib.

O, komandasının Azərbaycan Yüksək Liqasında çıxışını dəyərləndirib. VII turda “Xilasedici”yə 0:3 hesabı ilə uduzan mütəxəssis bildirib ki, hazırda vəziyyət o qədər də ürəkaçan deyil: “Son bir neçə oyun istədiyimiz kimi alınmır. Bu mövsüm yaxşı komanda toplamışıq. 1 voleybolçumuz da 2 oyundur ki, heyətə qatılıb. Düşünürəm ki, onun da komandamıza uyğunlaşması üçün bir az zaman lazımdır. Çempionatda daha maraqlı oyunlar hələ qarşıdadır. Səhvlərimizi düzəltməli və daha ciddi şəkildə məşqlərə davam etməliyik. İnanıram ki, növbəti oyunlarda daha yaxşı çıxış edəcəyik və turnir cədvəlində də irəliləyəcəyik”.

Qeyd edək ki, 7 oyundan 8 xal toplayan “Neftçi” turnir cədvəlində 4-cü pillədə qərarlaşıb.