I Liqa təmsilçisi "Qaradağ Lökbatan"ın yeni baş məşqçisinin adına aydınlıq gəlib.

Prosport.Az-ın xəbərinə görə, komandaya Amit Quluzadə baş məşqçi təyin olunub. O bu postda 3 oyun qələbə qazana bilməyən Azər Həşimovu əvəzləyib.

Qeyd edək ki, 31 yaşlı A.Quluzadə son olaraq məşqçi kimi ötən mövsüm II Liqa klubu "Füzuli"də baş məşqçi işləyib. Onun təyinatı "Neftçi"nin sabiq prezidenti Sadıq Sadıqovun istəyi ilə baş tutub. Amit məhz "Neftçi"də onun prezidenti olduğu vaxt oynayıb. 2008-ci ildən fəaliyyət göstərən "Qaradağ Lökbatan" isə hazırda Sadıq Sadıqovun rəhbərliyində yer aldığı "Neftçi" İK-ya məxsus klubdur.

Amit Quluzadənin əsas məqsədi komandanı II Liqaya düşməkdən xilas etmək olacaq.