Fransanın paytaxtı Parisdə keçirilən Yay Olimpiya Oyunlarının bağlanış mərasimində Azərbaycanın bayraqdarları müəyyənləşib.
Prosport.Az xəbər verir ki, mərasimdə ölkəmizin bayrağını taekvondoçu Həşim Məhəmmədov (58 kq) və bədii gimnastika üzrə qrup hərəkətləri komandamızın üzvü Zeynəb Hümmətova daşıyacaq.
Qeyd edək ki, Həşim Məhəmmədov Paris Olimpiadasında gümüş medal qazanıb. Zeynəb Hümmətovanın yer aldığı bədii gimnastika üzrə qrup hərəkətləri komandamız isə 5-ci pilləni tutmaqla indiyə qədərki ən yüksək nəticəyə imza atıb. Bağlanış mərasimi bu gün Bakı vaxtı ilə saat 23:00-da başlayacaq.