Bu gün Azərbaycanın üç idmançısı Fransanın paytaxtı Parisdə keçirilən Yay Olimpiya Oyunlarında çıxış edəcək.

Prosport.Az xəbər verir ki, ilk olaraq atıcı Ruslan Lunyov bacarığını göstərməyə çalışacaq. O, 25 metr məsafədən atəşaçmada yarışacaq.

Ardınca Azərbaycan atleti Anna Skıdan mübarizəyə start verəcək. O, çəkic atma növündə təsnifat mərhələsində qüvvəsini sınayacaq.

Daha sonra boksçu Loren Alfonso (92 kq) rinqə çıxacaq. Təmsilçimiz yarımfinalda İspaniyanı təmsil edən Enmanuel Reyeslə ilə qarşılaşacaq.

Qeyd edək ki, Paris-2024 avqustun 11-də başa çatacaq.