Azərbaycanının basketbolun 3x3 növü üzrə qadınlardan ibarət yığması Paris-2024 Yay Olimpiya Oyunlarında çıxışını başa vurub.

Prosport.Az xəbər verir ki, tarixdə ilk dəfə dördilliyin ən mötəbər yarışında iştirak edən millimiz əsas mərhələsini 7-ci pillədə başa vurub.

Buna qrupun digər oyunları səbəb olub. Komandamız turun son matçında Kanadaya 19:21 hesabı ilə uduzub. Son 3 yeri tutan yığmaların da hesabında 2 qələbə və 5 məğlubiyyət olub. Reqlamentə görə, hesabında daha çox top olan Çin pley-inə vəsiqə qazanıb. Millimizi növbəti mərhələdən cəmi 1 top ayırıb.

20:12

Azərbaycanın qadınlardan ibarət 3x3 basketbol millisi Fransanın paytaxtı Parisdə keçirilən Yay Olimpiya Oyunlarında qrupdakı sonuncu matçına çıxıb.

Prosport.Az xəbər verir ki, yığma VII turda Kanada yığması ilə üz-üzə gəlib.

Görüş komandamızın 19:21 hesablı məğlubiyyəti ilə yekunlaşıb.

Qeyd edək ki, seçməmiz daha əvvəl İspaniyaya 16:18, Fransaya 10:15, Almaniyaya 8:12, Avstraliyaya 12:21 hesabı ilə uduzub. Basketbolçularımız ABŞ millisinə 20:17, Çinə isə 21:19 hesabı ilə qalib gəlib.