Azərbaycan boksçusu Murad Allahverdiyev Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.

Prosport.Az xəbər verir ki, 80 kq çəki dərəcəsində yer alan idmançı 1/4 finalda qazaxıstanlı son dünya çempionu Nurbəy Oralbayla üz-üzə gəlib.

Rəqibinə 0:5 məğlub olan təmsilçimiz çıxışını başa vurub.

Qeyd edək ki, daha əvvəl Azərbaycanın digər boksçusu Loren Alfonso 1/4 finalda onun əkiz qardaşı Aybəy Oralbaya (Qazaxıstan) qalib gələrək yarımfinala adlayıb. Kuba əsilli legionerimiz bu nəticənin ardından ən azı bürünc medalı təmin edib.