Azərbaycan cüdoçuları Tbilisidə keçirilən "Böyük Dəbilqə" turnirinin ilk günündə 2 medal əldə edib.
Prosport.az xəbər verir ki, Gürcüstanın paytaxtında keçirilən "Böyük Dəbilqə" turnirində Azərbaycan cüdoçuları 1 qızıl, 1 bürünc medal qazanıb.
Yarışın ilk günündə 5 çəki dərəcəsində 7 cüdoçumuz tatamiyə çıxıb. Kişilər arasında 60 kq çəkidə mübarizə aparan cüdoçu Turan Bayramov qızıl medala sahib olub. Turan finalda Gürcüstan təmsilçisi Qiorqi Sardalaşviliyə qalib gələrək fəxri kürsünün ən yüksək pilləsinə qalxıb.
Qadınlar arasında 52 kq çəki dərəcəsində Gültac Məmmədəliyeva bürünc medal qazanıb. Gültac bürünc medal uğrunda görüşdə çinli idmançı Yeqinq Junu məğlub edib.