Cüdo üzrə yeniyetmə oğlanlardan ibarət milli yığmanın üzvləri mayın 15-dən 27-dək Bakıda təşkil olunan təlim məşq toplanışında iştirak ediblər.

Prosport.Az xəbər verir ki, əsasını fiziki hazırlıq təşkil edən hazırlıq prosesinə 25 idmançı qatılıb. İdmançılara yeniyetmələrdən ibarət milli yığmanın baş məşqçisi Rüstəm Alimli, məşqçilər Emil İskəndərov və Nicat Şıxəlizadə rəhbərlik edib.

Qeyd edək ki, təlim-məşq toplanışı 22-25 iyun tarixlərində Portuqaliyanın Koimbra şəhərində keçiriləcək Avropa çempionatına hazırlıq məqsədi daşıyır. Sözügedən beynəlxalq turnirə idmançılar mərhələli şəkildə hazırlaşırlar. Növbəti taktiki-texniki hazırlıq isə iyunun 5-dən 17-ə kimi keçiriləcək.