Portuqaliyanın Koimbra şəhərində keçirilən yeniyetmə cüdoçular arasında Avropa Kuboku turnirinin ilk günü millimiz 3 medalla başa vurub.

Prosport.Az xəbər verir ki, oğlanların yarışında 50, 55 və 60 kq çəki dərəcələrində 7 cüdoçumuz medallar uğrunda mübarizə aparıb.

50 kq çəkidə final görüşündə 2 cüdoçumuz – Bahadır Feyzullayev və Nihad Məmişov qarşılaşıb. Nəticədə Bahadır Feyzullayev qızıl medal əldə edib.

55 kq çəkidə Həsən Həsənli bürünc medal qazanıb. Eyni çəkidə digər cüdoçumuz Murad Fətullayev isə yarışı 5-ci yerdə tamamlayıb.