Avstriyanın Lints şəhərində keçirilən cüdo üzrə Qran Pri turnirində 52 kq çəki dərəcəsində Gültac Məmmədəliyeva bürünc medal qazanıb.

Prosport.Az xəbər verir ki, Gültac bürünc medal uğrunda görüşdə ispaniyalı idmançı Ariane Toro Soleri məğlub edib.

66 kq çəki dərəcəsində yarışan cüdoçumuz Kamran Süleymanov isə gümüş medalla kifayətlənib.

Qeyd edək ki, mayın 27-nə kimi davam edən turnirdə dünyanın 72 ölkəsindən 455 idmançı iştirak edir.