Azərbaycan I divizionunun qalibi olan "Araz Naxçıvan" bu gün son turda "Zaqatala"ya qarşı keçirəcəyi oyun öncəsi çətin durumla üzləşib.

Prosport.Az-ın Naxçıvana ezam olunmuş əməkdaşının verdiyi xəbərə görə, matçın keçiriləcəyi Naxçıvan Muxtar Respublika stadionunun qazonunu su basıb.

Belə ki, dünən Naxçıvan şəhərinə düşən güclü leysan qazonun su altında qalmasına səbəb olub. Bu səbəbdən oyun saatınadək muxtar respublikanın Fövqəladə Hallar Nazirliyinin əməkdaşları qazonun suyunun çəkilməsi üçün əlindən gələni etməyə çalışacaq.

Qeyd edək ki, liderliyi öncədən təmin edərək oyunu özləri üçün formal xarakterə çevirən "Araz Naxçıvan" "Zaqatala"nı saat 16:00-da qəbul edəcək.

Səbuhi Musa