“Qarabağ”ın sabiq futbolçusu Kamilo Duran “Seltik”dəki çıxışını dəyərləndirib.

Prosport.Az xəbər verir ki, Kolumbiya millisinin üzvü Şotlandiya klubundakı ilk mövsümünü uğurlu qiymətləndirib.

24 yaşlı hücumçu “Seltik”də artıq 10 qol vurmasının ciddi nailiyyət olduğunu düşünür: “Qarabağ”da hücumun mərkəzində çıxış edirdim və hər şey əla idi. “Seltik”də baş məşqçi məni sağ cinahda oynatmağa üstünlük verir. Bu sayədə özümü yeni mövqedə kəşf etdim. Yeni komandamda artıq 10 qol vurmağım debüt mövsümü üçün pis nəticə deyil. Cinahda başlayıb mərkəzdə bitirdiyim matçlar da olub. Amma hər şeydən önəmlisi komandamın uğur qazanması və bunda pay sahibi olmağımdır”.

Qeyd edək ki, Kamilo Duran yay fasiləsində 6 milyon funt-sterlinq qarşılığında “Qarabağ”dan “Seltik”ə keçib.