Qətərin paytaxtı Dohada keçirilən cüdo üzrə dünya çempionatında millimizin fiaskoku davam edir.

Prosport.Az-ın xəbərinə görə, Azərbaycan cüdoçusu Səid Mollayi (81kq) bu gün mübarizəyə qoşulub.

İlk mərhələdən azad olan Olimpiya, dördqat Asiya mükafatçısı və dünya çempionu 1/16 Kanada təmsilçisi Fransua Qotye-Drapo ilə qarşılaşıb. İran azərbaycanlısı olan idmançımız "hansoku" fəndi ilə rəqibinə uduzaraq turnirlə erkən vidalaşıb.

Xatırladaq ki, daha əvvəl kişilərdə Balabəy Ağayev, Turan Bayramov (hər ikisi 60 kq), Orxan Səfərov (66 kq) və Hidayət Heydərov (73 kq), qızlarda Leyla Əliyeva, Könül Əliyeva (hər ikisi 48 kq), Gültac Məmmədəliyeva və Aydan Əliyeva (hər ikisi 52 kq) turniri medalsız başa vurublar. Sabah Məmmədəli Mehdiyev və Murad Fətiyev (hər ikisi 90 kq) mübarizə aparacaq.