Qətərin paytaxtı Dohada keçirilən dünya çempionatının 3-cü günündə Azərbaycan cüdoçuları üçün fiasko davam etməkdədir.

Prosport.Az-ın xəbərinə görə, Hidayət Heydərov (73 kq) 4-cü dəfə dünya çempionatının bürünc medalını qazanmaq şansını əldən verib.

İdmançımız daha əvvəl də məğlub olduğu Soiçi Haşimotoya ipponla uduzub.

Qeyd edək ki, daha əvvəl oğlanlarda Balabəy Ağayev, Turan Bayramov (hər ikisi 60 kq), Orxan Səfərov (66 kq), qızlarda Leyla Əliyeva, Könül Əliyeva (hər ikisi 48 kq), Gültac Məmmədəliyeva və Aydan Əliyeva (hər ikisi 52 kq) turniri medalsız başa vurublar. Sabah Olimpiya mükafatçısı və dünya çempionu Səid Mollayi (81 kq) mübarizə aparacaq.

17:32

Azərbaycan cüdoçusu Hidayət Heydərov Qətərin paytaxtı Dohada keçirilən dünya çempionatının yarımfinalında məğlub olub.

Prosport.Az xəbər verir ki, 73 kq çəki dərəcəsində çıxış edən ikiqat Avropa çempionu italiyalı Manuel Lombardo ilə bacarmayıb.

25 yaşlı cüdoçu 2021-ci ilin dünya ikincisi və Avropa çempionu Manuel Lombardoya uduzub. Heydərov karyerasında 4-cü dəfə dünya çempionatının bürünc medalını qazanmaq şansını davam etdirir. O, 3-cü yer uğrunda görüşdə yaponiyalı altıqat dünya çempionu Soiçi Haşimoto ilə qarşılaşacaq.

Qeyd edək ki, bu gün Hidayət Heydərov 1/16 finalda Adil Osmanova (Moldova), 1/8 finalda Cek Yonezukaya (ABŞ) ipponla və 1/4 finalda Artur Marjelidona (Kanada) vaza-ari xalı ilə qalib gəlmişdi.