19 yaşadək futbolçulardan ibarət Azərbaycan milli komandası (U-19) Avropa çempionatının təsnifat mərhələsində növbəti matçını keçirib.
Prosport.Az xəbər verir ki, yığmamız Belqradda Serbiya U-19 komandası ilə üz-üzə gəlib.
Gərgin mübarizə şəraitində keçən qarşılaşma meydan sahiblərinin 4:0 hesablı qələbəsi ilə başa çatıb.
İlk hissədə Dimitriye Şariç 40-cı dəqiqədə penaltidən hesabı açıb. Fasilədən sonra isə serblər üstünlüklərini daha da artırıb. David Milovanoviç 1 və Yovan Ostoyiç 2 dəfə fərqlənərək matçın yekun hesabını müəyyənləşdirib.
Qeyd edək ki, U-19 ilk matçda Monteneqroya 2:7 hesabı ilə uduzmuşdu.
Elgiz Kərəmlinin baş məşqçisi olduğu yığmamız noyabrın 17-də özü kimi xalsız olan Farer adaları ilə qarşılaşacaq.
