Belçikalı ulduz futbolçu Kevin de Bruynenin “Napoli”dəki gələcəyi sual altına düşüb.
Prosport.Az xəbər verir ki, bu barədə “FootMercato” nəşri məlumat yayıb.
35 yaşlı yarımmüdafiəçi komanda yoldaşları Rasmus Hoylund, Lorenso Lukka və Covanni Di Lorenso ilə münaqişə yaşayıb. Hadisəyə müdaxilə etməyə çalışan baş məşqçi Massimiliano Alleqri də belçikalının narazılığı ilə üzləşib. De Bruyne təcrübəli mütəxəssisi son matçlardakı taktikasına görə sərt tənqid edib.
“Mançester Siti”dən ayrıldıqdan sonra ötən ildən İtaliya klubunun şərəfini qoruyan futbolçu ilə yanvar transfer pəncərəsində yolların ayrılması gündəmdədir. Yüksək məvacibi nəzərə alınaraq, müqavilənin qarşılıqlı razılıq əsasında ləğv olunması ehtimalı da istisna edilmir.
Kevin de Bruyne cari mövsümdə neapolluların heyətində meydana çıxdığı 15 oyunda 4 qol və 2 məhsuldar ötürmə ilə yadda qalıb.
Qeyd edək ki, "Napoli" UEFA Çempionlar Liqasının əsas mərhələsində "Sabah"ın rəqiblərindən biridir. Komandalar arasında görüş gələn il yanvarın 27-də Bakıda olacaq.
