Azərbaycan millisinin yarımmüdafiəçisi Rüfət Abdullazadənin çıxış etdiyi “Kiryat Şmona” İsrail Premyer Liqasında qələbə qazanıb.
Prosport.Az xəbər verir ki, sözügedən komanda çempionatın X turunda doğma meydanda “Hapoel”i (Hayfa) 2:0 hesabı ilə məğlub edib.
Qarşılaşmanın ilk hissəsində qapılara qol vurulmasa da, 2-ci yarıda təşəbbüsü ələ alan meydan sahibləri 69-cu dəqiqədə Şay Ben Davidin qolu ilə önə keçib. Matçın 90+3-cü dəqiqəsində isə Bilal Şahin yekun hesabı müəyyənləşdirib.
Rüfət Abdullazadə görüşə ehtiyat oyunçular skamyasında başlayıb. Yarımmüdafiəçi 58-ci dəqiqədə Ariel Şeratskini əvəzləyərək meydana daxil olub və komandasının qələbəsində pay sahibi olub.
Bu qələbədən sonra “Kiryat Şmona” xallarının sayını 7-yə çatdıraraq turnir cədvəlində 11-ci pilləyə yüksəlib.
