Azərbaycanın sərbəst güləşçisi Əli Tsokayev Qazaxıstanın Astana şəhərində keçirilən dünya çempionatının bürünc medalına sahib çıxıb.

Prosport.Az xəbər verir ki, 92 kq çəki dərəcəsində mübarizə aparan təmsilçimiz üçüncü yer uğrunda qarşılaşmada iranlı dünya mükafatçısı Əmirhüseyn Firuzpurbandpeylə üz-üzə gəlib.

Rəqibinə 6:0 hesabı ilə qalib gələn Tsokayev dünya çempionatını fəxri kürsüdə başa vurub.

Bu nəticə ilə Azərbaycan millisinin turnirdəki medal sayı altıya yüksəlib. Yığmanın aktivində iki qızıl, iki gümüş və iki bürünc medal var.