FIBA Avropa Kubokunun müntəzəm mövsümünün C qrupunda mübarizə aparan "Gəncə" basketbol klubuna texniki məğlubiyyət verilib.

Prosport.Az-ın xəbərinə görə, FIBA Bolqarıstanın "Rilski Sportist" komandası ilə Samokov şəhərində keçirilməli olan qarşılaşmaya "Gəncə" gələ bilmədiyi üçün meydan sahiblərinə 20:0 hesablı texniki qələbə verib.

Qeyd edək ki, "Gəncə" Şengen vizası ala bilmədiyi üçün Bolqarıstana yollana bilməyib. Oyun oktyabrın 21-də keçirilməli idi.

Bu məğlubiyyətdən sonra turnir cədvəlində komandaların sıralamasında yerdəyişmə olub. Belə ki, 4 xalı olan "Gəncə" sonuncu – 6-cı sıraya düşüb. "Rilski Sportist" isə 5 xalla 5-ci sıraya yüksəlib.