"Neftçi"nin FIBA Avropa Kubokunun təsnifat mərhələsinin ilk oyununda Bakıda Estoniyanın "Parnu" klubuna 80:67 hesabı ilə qalib gəlib.

Prosport.Az xəbər verir ki, matçdan sonra "ağ-qaralar"ın baş məşqçisi Konstantinos Vasiliadis fikirlərini bölüşüb.

Mütəxəssis bildirib ki, qələbəyə baxmayaraq, oyunu daha da təkmilləşdirmək üçün çox çalışmaq lazımdır: "Xüsusilə hücumda daha yaxşı oynaya bilərdik. Hücumda olarkən ötürmələrimizi və kommunikasiyanı daha da təkmilləşdirməliyik. Estoniyaya qələbə üçün gedəcəyik. Sərfəli məğlubiyyət üçün deyil, ancaq qələbə üçün"!

Qeyd edək ki, cavab matçı sentyabrın 30-da keçiriləcək.