“Neftçi” basketbol klubunun kapitanı Cəbrayıl Əkpərov Avropa Kubokunun təsnifat mərhələsinin ilk oyununda Bakıda Estoniyanın “Parnu” komandasına qarşı əldə etdikləri 80:67 hesablı qələbəni şərh edib.

Prosport.Az xəbər verir ki, basketbolçu matçla bağlı fikirlərini bölüşüb:

"Çətin oyun oldu, inamlı qələbə qazanmaq istəyirdik. Cavab oyununa qədər hələ 1 həftə vaxtımız var. Səhvlərimizi düzəldəcəyik. Məşqçi bütün oyunçulara şans verdi və düşünürəm ki, rotasiya normal olacaq. Azarkeşlər komandaya dəstək oldular və biz qələbə qazandıq. Mən hansı klubun kapitanı olduğumu bilirəm".

Qeyd edək ki, cavab matçı sentyabrın 30-da Estoniyada keçiriləcək.