"Neftçi"nin baş məşqçisi Konstantinos Vasiliadis FIBA Avropa Kubokunun təsnifat mərhələsində "Parnu"ya qarşı keçirilən ilk oyundan (80:67) sonra fikirlərini bölüşüb.

Prosport.Az xəbər verir ki, yunanıstanlı mütəxəssis matçın komanda üçün ilk rəsmi qarşılaşma olduğunu xatırladıb:

"Oyun dəyişkən keçdi, bəzi dəqiqələrdə zəif oynadıq və ötürmələrdə səhvlər etdik. Amma komandada 10 yeni oyunçu var və cəmi 6 hazırlıq matçı keçirmişdik. Bir aydan sonra daha yaxşı və fiziki cəhətdən hazır "Neftçi" görəcəksiniz. Səfər oyununa məğlub olmaq üçün yox, qalib gəlmək üçün gedəcəyik. Mənim komandamda yalnız mübarizə aparan oyunçular yer alacaq".

Qeyd edək ki, cavab qarşılaşması bir həftə sonra Estoniyada baş tutacaq.