Beynəlxalq Cüdo Federasiyasının (IJF) İcraiyyə Komitəsi Rusiya və Belarusdan olan bitərəf idmançıların bu ay Qətərin paytaxtı Dohada keçiriləcək cüdo üzrə dünya çempionatında Fərdi Bitərəf Atletlər (AIN) qismində iştirakına icazə verilməsinə səs verib.

Prosport.Az xəbər verir ki, IJF İcraiyyə Komitəsi təklif olunan iştirakçıların siyahısını alıb və təftişdən sonra Rusiyanın Ukraynaya hücumunu dəstəkləməyən idmançılarını yarışa buraxmaq qərarı verib.

Rusiya nümayəndə heyətinin 8 üzvünə yarışa buraxılmamaq qərarı verilib.

Qeyd edək ki, 7-14 may tarixlərində Qətərdə dünya çempionatı keçiriləcək. Azərbaycandan 13 cüdoçu (9 kişi və 4 qadın) bu yarışda iştirak edəcək.