Azərbaycanın 2 idmançısı Paris Yay Olimpiya Oyunlarına lisenziya qazanıb.

Prosport.Az xəbər verir ki, bunlardan biri Anna Skidandır. Ukrayna əsilli idmançı Macarıstanın paytaxtı Budapeştdə keçirilən atletika üzrə dünya çempionatında çəkicatmada finala çıxmaqla buna nail olub. O, final mərhələsində 4-cü olub.

İspaniyanın Valensiya şəhərində keçirilən bədii gimnastika üzrə 40-cı dünya çempionatında Zöhrə Ağamirova çoxnövçülük yarışlarının nəticəsinə əsasən 12-ci pillədə qərarlaşaraq, Paris-2024 Yay Olimpiya Oyunlarına lisenziya qazanıb. Bununla da o, Paris-2024-ə gimnastika üzrə qazanılan ilk lisenziyaya malik idmançı olub.