Xəbər verdiyimiz kimi, Azərbaycan Həndbol Federasiyasında vəziyyət ürəkaçan deyil. İdmançıların maaşları ödənilmir, məşq meydançaları yoxdur.

İdmançılar Gənclər və İdman Nazirliyinin qarşısına toplaşaraq problemin həllini tələb edirlər.

Məsələ ilə bağlı millimizin və "Bakı" klubunun üzvü Teymur Axundov Prosport.Az-a açıqlama verib.

"Biz bu gün burada etirazımızı çatdırmaq üçün toplaşmışıq. Aprel ayından maaş almırıq və bu vəziyyət idmançıların həyatına ciddi təsir edir. Bəzi komanda yoldaşlarımız dolanışıq üçün başqa işlərdə çalışmağa məcbur qalıb. Ailəli idmançılar üçün isə bu vəziyyət daha da çətindir.

Aidiyyəti qurumlara müraciət etsək də, hələlik nəticə yoxdur. Yeni mövsümün başlamasına az vaxt qalıb, amma nə məşq edə bilirik, nə də bunun üçün şəraitimiz var. Məşq zalımızı da itirmişik. İstəyimiz odur ki, bu problemlər aradan qaldırılsın, federasiyanın fəaliyyəti ilə bağlı düzgün qərar verilsin və Azərbaycan həndbolu yenidən inkişaf yoluna qayıtsın."

Bahar Rüstəm