Xəbər verdiyimiz kimi, Azərbaycan Həndbol Federasiyasında vəziyyət ürəkaçan deyil. İdmançıların maaşları ödənilmir, məşq meydançaları yoxdur. İdmançılar Gənclər və İdman Nazirliyinin qarşısına toplaşaraq problemin həllini tələb edir.

Məsələ ilə bağlı "Azəryol" klubunun məşqçisi Vadim Skrebtsov Prosport.Az-a açıqlama verib.

"Hazırkı vəziyyət Azərbaycan həndbolu üçün çox ağırdır. Bir neçə aydır ki, maaş ala bilmirik. Bu isə həm məşqçilərin, həm də idmançıların işinə mənfi təsir göstərir. Maddi sıxıntılar səbəbindən bəzi oyunçular idmanı 2-ci plana keçirməyə məcbur qalır.

Yeni mövsüm yaxınlaşır, lakin komandanın normal hazırlıq keçməsi mümkün deyil. Federasiyanın maddi problemləri səbəbindən məşq etdiyimiz zalın icarə haqqı ödənilmir və artıq məşq imkanımız da qalmayıb. Hesab edirik ki, mövcud vəziyyət dəyişməlidir. Federasiyada ciddi islahatlara ehtiyac var. Biz hər gün bura toplaşaraq yalnız səsimizin eşidilməsini və problemin həllini istəyirik".

Bahar Rüstəm