Latviyanın paytaxtı Riqada keçirilən 20 yaşadək idmançılar arasında Baltikyanı ölkələrin açıq çimərlik voleybolu çempionatı başa çatıb.

Prosport.Az xəbər verir ki, Azərbaycan yarışda həm oğlan, həm də qız komandaları ilə təmsil olunub.

Oğlanların yarışında İbrahim Məmmədov və Məhəmməd Aslanlı cütü 34 komanda arasında üçüncü yeri tutaraq bürünc medal qazanıb. Təmsilçilərimiz üçüncü yer uğrunda görüşdə Latviya yığmasını 2:1 hesabı ilə məğlub ediblər.

Qızların mübarizəsində isə Səbinə Əlizadə və Leyla Əliyeva cütü 27 komanda arasında çıxış edərək turniri 12-ci pillədə başa vurub.