2024-cü ildə yaradılmış qadın voleybolu üzrə "Möminə Xatun" klubu debüt edəcəyi Yüksək Liqa matçlarını Naxçıvanda oynayacaq.

Bu barədə Prosport.Az-a klubdan məlumat verilib.

Klub ev oyunlarını Naxçıvan Olimpiya İdman Kompleksində keçirəcək. Bununla da Yüksək Liqada bölgədə ev oyunlarını keçirəcək klubların sayı 2-yə çatıb. Xatırladaq ki, ötən mövsüm çempion olan "Turan" ev oyunlarını Tovuzda keçirib.

Qeyd edək ki, "Möminə Xatun" artıq 2 transfer də həyata keçirib. İran azərbaycanlısı olan Səməd Əkbərinin baş məşqçisi olduğu komandada hücumçu Marqarita Stepanenko və qazaxıstanlı toppaylayıcı Nailə Niqmatulinanın yer alacağı dəqiqdir.