Azərbaycan basketbolunun növbəti mövsümdə avrokuboklarda 4 komanda ilə təmsil olunacağı rəsmiləşib.

Prosport.Az xəbər verir ki, 2026/27 mövsümündə beynəlxalq arenada ölkə çempionu "Sabah", finalçı "Landau Layns" (əvvəlki "Abşeron Layns"), Azərbaycan Kubokunun qalibi və çempionatın 3-cüsü "Gəncə" və 4-cü yeri tutmuş "Neftçi" mübarizə aparacaq.

"Sabah" Çempionlar Liqasının müntəzəm mövsümündə, "Landau Layns" isə təsnifat mərhələsində qüvvəsini sınayacaq. "Gəncə" FIBA Avropa Kubokunun qrup mərhələsində, ardıcıl 2-ci dəfə avrokuboklara qatılan "Neftçi" isə həmin turnirin təsnifat mərhələsindən mübarizəyə qatılacaq.

Qeyd edək ki, Çempionlar Liqasında təsnifat mərhələsinin püşkü iyulun 8-də İsveçrənin Mi şəhərində atılacaq. 14-20 sentyabrda isə təsnifat mərhələsindən müntəzəm mövsümə vəsiqə qazanmaq üçün oyunlar keçiriləcək. İlk dəfə 48 komandanın (8 qrupun hər birində 6 komanda) iştirak edəcəyi Avropa Kubokunun püşkü isə iyulun 16-da Almaniyanın Münxen şəhərində atılacaq.

Xatırladaq ki, Azərbaycan basketbolunun növbəti mövsümdə avrokuboklarda 4 komanda ilə təmsil olunacağı xəbərini ilk dəfə Prosport.Az saytı yazıb.