2027-ci ildə keçiriləcək II Avropa para çempionatı Azərbaycanda keçirilə bilər.

Prosport.Az-ın xəbərinə görə, Azərbaycan bu yarış üçün namizədliyini verib. Azərbaycandan başqa, daha 7 ölkə namizədliyini irəli sürüb.

Bunlardan biri Türkiyədir. Qardaş ölkə 2036-cı ildə keçiriləcək Yay Olimpiya və Paralimpiya Oyunlarını keçirə bilmək üçün məhz bu yarışa ev sahibliyi etmək istəyir. Təşkilatçılar növbəti yarış üçün əlil arabasında qılıncoynatma, para stolüstü tennis, para pauerliftinq və əlil voleybolunu (oturaraq oynanılır) proqrama daxil etmək istəyir.

Dekabrın 20-dək namizədlər istəklərini bildirə bilər. 2024-cü ilin mayında qalib ölkə elan ediləcək.

Qeyd edək ki, hazırda I Avropa para çempionatı Niderlandın Rotterdam şəhərində keçirilir. Burada 10 idman növü – para kamandan oxatma, para badminton, boççia, qolbol, para cüdo, para atıcılıq, para taekvondo, para velosiped idmanı, əlil arabası basketbolu və əlil arabası tennisi üzrə yarışlar keçirilir. Azərbaycan yalnız son 3 yarışda təmsil olunmur. 8 avqustda başlamış yarış 20 avqustda başa çatacaq. Azərbaycan 11 medalla (4 qızıl, 4 gümüş, 3 bürünc) meydan sahibi Niderland, Türkiyə və Ukraynadan sonra 4-cü yerdədir.