"Bu görüşə görə çox məşq etmişdim".

Prosport.Az xəbər verir ki, bu sözləri Bakıda keçirilən UFC turnirində yüngül çəki dərəcəsində Nazim Sadıxovu məğlub edən Braziliya təmsilçisi Mateus Kamilo deyib.

O, Bakıda yaxşı döyüşçü kimi xatırlanacağına inandığını bildirib: "Nazim çox yaxşı və təcrübəli döyüşçüdür. Mənim zərbələrim də dəqiq və aydın idi. Ona da uğurlar arzulayıram".

Döyüşçü daha 2 gün Bakıda qalacağını vurğulayıb: "Şəhəri gəzməyə vaxtım çox olmayıb. 2 gün ərzində paytaxtınızla tanış olacağam.

Düşünürəm ki, futbol üzrə Braziliya millisi dünya çempionu olacaq. Neymara gəlincə, tez-tez zədə alsa da, o, hər zaman əfsanə olaraq qalacaq", – deyə idmançı qeyd edib.