Azərbaycanın 2 taekvondoçusu Qətərin paytaxtı Dohada keçirilən VI “Qatar Open” beynəlxalq turnirində iştirak edəcək.

Prosport.Az xəbər verir ki, milli komandanın üzvləri Həşim Məhəmmədov və Fuad Məhərləmli yarışda ölkəmizi təmsil edəcəklər.

Hər iki idmançı 63 kq çəki dərəcəsində mübarizə aparacaq.

Taekvondoçular milli komandanın baş məşqçisi Məmməd Abdullayevin rəhbərliyi altında Qətərə yollanıblar.

Qeyd edək ki, Dohada təşkil olunan beynəlxalq turnir oktyabrın 21-dək davam edəcək.