UFC-də daha bir azərbaycanlı MMA döyüşçüsü Bakıda keçirilən "UFC Fight Night 280" döyüş gecəsində oktaqona çıxıb.

Prosport.Az-ın xəbərinə görə, UFC-də debüt edən Fərman Həsənov Erik Nolanla (ABŞ) qarşılaşıb.

Görüş Fərmanın qələbəsi ilə başa çatıb. O, 3 raundun yekununda hakimlərin yekdil qərarına əsasən qalib elan edilib. Bununla da gecənin ilkin döyüşləri başa çatıb.

Qeyd edək ki, daha əvvəl azərbaycanlı Tahir Abdullayev UFC-də debüt edib. O, Jeferson Nasimentonu (Braziliya) texniki nokautla məğlub edib.

Bundan başqa, yapon əsilli Jan Matsumoto (Braziliya) Bekzat Almaxandan (Qazaxıstan) hakimlərin yekdil qərarına əsasən, Daniil Donçenko (Ukrayna) Teodor Berqqrendən (İsveç) texniki nokauta əsasən, türk əsilli Kaan Ofli (Avstraliya) Xavyer Reyesdən (Kolumbiya) təslim etməyə əsasən, Nursulton Ruziboyev (Özbəkistan) Andrey Pulyayevdən (Rusiya) texniki təslim etməyə əsasən, Abdul-Rəhman Yəhyayev (Türkiyə) Culius Volkerdən (ABŞ) nokauta əsasən qalib olub. Yəhyayev gecənin ən erkən başa çatan döyüşünə imza atıb. O, 8 saniyəyə rəqibin yumruq zərbəsi ilə məğlub edib.