Donetsk “Şaxtyor”unun baş məşqçisi Arda Turan Ukrayna Premyer Liqasında mövsümün ən yaxşı məşqçisi adına layiq görülüb.
Prosport.Az Ukrayna mətbuatına istinadən xəbər verir ki, klublar arasında keçirilən ənənəvi sorğunun nəticələrinə əsasən, türkiyəli mütəxəssis birinci yeri tutub. İkinci pillədə LNZ-nin baş məşqçisi Vitali Ponomaryov qərarlaşıb. Üçlüyü isə “Polessya”nın çalışdırıcısı Ruslan Rotan tamamlayıb.
Qeyd edək ki, Arda Turanın rəhbərliyi altında “Şaxtyor” 2025/26 mövsümündə Ukrayna çempionu olub. Donetsk təmsilçisi eyni zamanda UEFA Konfrans Liqasında yarımfinal mərhələsinə qədər irəliləyib.