ABŞ-də keçirilən DÇ-2026 zamanı İngiltərə millisi tornado təhlükəsi ilə üzləşib.

Prosport.Az xəbər verir ki, bu barədə "The Athletic" nəşri məlumat yayıb. Şənbə günü axşam saatlarında Kanzas-Siti bölgəsində mümkün tornado ilə bağlı xəbərdarlıq elan olunub. Yerli vaxtla saat 20:00 radələrində komanda nümayəndələri ABŞ Milli Meteorologiya Xidmətindən təcili bildirişlər alıblar.

Xəbərdarlıqda güclü tornado riski olduğu vurğulanıb və insanlara pəncərələrdən uzaq, təhlükəsiz qapalı məkanlarda sığınmaq tövsiyə edilib.

Mütəxəssislər saatda 130 kilometrə çatan küləklərin baş verə biləcəyini bildiriblər. Bu səbəbdən təhlükəsizlik tədbiri olaraq İngiltərə millisinin üzvlərinə müəyyən müddət ərzində qapalı məkanlardan çıxmamaq tapşırılıb.

Buna baxmayaraq, komanda dünya çempionatına hazırlıq prosesini plan üzrə davam etdirir.