Türkiyə milli komandası dünya çempionatında qeyri-adi göstərici ilə diqqət çəkib.

Prosport.Az “Opta”ya istinadən xəbər verir ki, “ay-ulduzlular” Avstraliyaya 0:2 hesabı ilə uduzduqları qrup oyununda rəqib qapısına 30 zərbə endirsələr də, fərqlənə bilməyiblər. Bu nəticə ilə Türkiyə 21-ci əsrdə dünya çempionatlarında 30 və daha çox zərbə vurub qol vurmadan məğlub olan ilk komanda olub.

Matçda topa nəzarətdə də üstün olan Türkiyə yığması oyunun böyük hissəsində təşəbbüsü əlində saxlayıb. Lakin Avstraliya müdafiəsi və qapıçısı etibarlı oyunla qapını toxunulmaz saxlayıb.

Qeyd edək ki, Türkiyə millisi DÇ-2026-da ABŞ, Paraqvay və Avstraliya ilə eyni qrupda mübarizə aparır.