Türkiyə millisinin baş məşqçisi Vinçenso Montella DÇ-2026-nın qrup mərhələsində Avstraliyaya 0:2 hesabı ilə məğlub olduqları oyunu şərh edib.

Prosport.Az xəbər verir ki, italiyalı mütəxəssis komandasının görüşə planlaşdırdıqları kimi başlaya bilmədiyini vurğulayıb:

“Taktiki baxımdan matç istədiyimiz kimi keçmədi. Rəqibin geri çəkilərək fürsət gözləyəcəyini bilirdik. Onlar əks-hücumlardan istifadə etdilər. Buraxdığımız iki qol bizi çox məyus etdi.

Futbolçularımız meydanda böyük mübarizə apardılar və komanda ruhu nümayiş etdirdilər. Bu şəkildə davam etsək, arzuladığımız nəticələri əldə edəcəyik. Növbəti oyunda daha yaxşı çıxış edəcəyik”.

Qeyd edək ki, Türkiyə millisi dünya çempionatında növbəti matçını iyunun 20-də Paraqvaya qarşı keçirəcək.